FORSTEYPTAR LOFTAPLÖTUR

Hjá Loftorku Borgarnesi ehf. eru framleiddar ýmsar gerðir af forsteyptum loftaplötum í mannvirki af öllum stærðum og gerðum. Framleiddar eru forspenntar holplötur, kúluplötur og filegran loftaplötur. Plötur eru sérframleiddar í mörgum stærðum og gerðum allt eftir því sem við á hverju sinni.

Forsteyptar plötur eru gjarnan notaðar sem milligólf í byggingum. Það fer eftir byggingum hvaða plötur henta best hverju sinni. Holplötur og kúluplötur eru gjarnan notaðar þegar álag er mikið og henta vel í til dæmis iðnaðarhúsnæði, bílakjallara og í allar stærri byggingar. Filegran loftaplötur henta vel í flestar gerðir bygginga og eru gjarnan notaðar sem milligólf í íbúðarhúsum. Holplötur er einnig notaðar í veggi.

Allar plöturnar eru framleiddar samkvæmt teikningum og eftir óskum kaupanda. Sjaldgæft er að tvær einingar séu nákvæmlega eins. Plötur eru steyptar í verksmiðjum Loftorku í Borgarnesi við bestu aðstæður, sem tryggir gæði steypunnar.

Kostir forsteyptra platna er meðal annars styttri uppsetningartími á byggingarstað, en plöturnar eru hífðar á sinn stað og ekki eru um hefðbundinn undirslátt að ræða. Filegran loftaplötur koma með rafmagnsdósum innsteyptum eftir teikningum frá rafmagnshönnuði. Lögnum og rafmagnsdósum er hægt að koma fyrir í kúluplötum með svipuðum hætti.

Með því að forspenna steypuna með strekktum vírum í verksmiðjunni er hægt að auka burðarþol. Holplötur eru forspenntar en filegran loftaplötur eru ýmist forspenntar eða slakbentar allt eftir því sem við á.

Eftir að framleiðslu lýkur eru plötur fluttar á byggingarstað á flutningavögnum. Þegar komið er með plöturnar á byggingarstað eru þær hífðar beint á sinn stað í byggingunni eða þær geymdar á byggingarstað allt eftir óskum viðskiptavina.