VERKFRÆÐIHÖNNUN

Loftorka rekur hönnunardeild sem tekur að sér burðarþols-, lagna-, og einingahönnun fyrir viðskiptavini sína. Rafmagnshönnun er þó ekki inní þjónustu deildarinnar.

Þjónustan felur í sér að starfsfólk hönnunardeildar sem samanstendur af tækni- og verkfræðingum ásamt tækniteiknurum, reiknar út og teiknar upp burðarþol viðkomandi byggingar, gerir lagnateikningar af
hita- og neysluvatnskerfi hússins ásamt frárennslislögnum.

Byggingin er síðan teiknuð upp í forsteyptar einingar, en þær teikningar eru notaðar í verksmiðjum Loftorku sem vinnuteikningar fyrir einingaframleiðslunni.