UPPSETNING OG REISING

Sé um reisingu á forsteyptum einingum að ræða er Loftorka með sérþjálfaða reisingaflokka sem hægt er að fá til þess að koma byggingahlutunum fyrir.
Byggingameistari hússins er ávallt ábyrgur fyrir reisingunni.

Aðalteikningar og vinnuteikningar skal varðveita í aðgengilegu formi á byggingarstað. Áður en einingar eru sendar frá verksmiðju, eru þær auðkenndar með raðnúmerum. Þessi númer eiga einnig að koma fram á vinnuteikningum.

Við undirbúning verksins, áður en að framkvæmd kemur, þarf verktaki við reisingu að ákveða í hvaða röð einingarnar verða reistar. Þetta þarf að gera í nánu samráði við verksmiðju Loftorku, þannig að samræming á framleiðsluferli og flutningi geti farið fram.

VERKASKIPTING

Oft er verkaskipting þannig að verkkaupi útvegar aðalteikningar hússins, þ. e. samþykktar teikningar arkitekts, ásamt teikningum af raflögnum, en Loftorka útvegar aðrar teikningar, þ. e. burðarþols- og lagnateikningar.

Loftorka framleiðir einingar, flytur þær og afhendir á byggingarstað. Loftorka getur einnig annast reisingu, ef þess er óskað. Ekkert er því til fyrirstöðu þó að kaupendur forsteyptra eininga sjái sjálfir um að reisa einingarnar og geta þeir þá fengið leiðbeiningar hjá Loftorku um aðferðirnar.

Nánar er kveðið á um verkaskiptingu í verksamningi.